I LEFT MY JOB IN INDIA AND JOIN OTHER COMPANY IN DOHA ON 8/1/2011 BUT I DO NOT GET ANY ORDER( I AM IN MARKETING ) PL. TOLD ME SOME DUA @AMAL FOR SUCCESS @ IF IT IS POSSIBLE PL. DO SOMETHING FOR ME .

Sharam karo mere bhai… koi bhi musalman kisi dusrey musalman ko dukh nahi de sakta. kisi ko bhi aisa koi haq nahi hai… yeh toh phir bhi tumhari behen hai, aur tum uska bura soch rahey ho ? kya tumhe Allah ta’ala ka koi khauf nahi ? Tum chahte ho koi koi maulana kisi tarah ka amal de tumhe ya kuch karein taake tumhari behen ko saza milein aur upar se tumhari nafsi khwahishat bhi puri ho ? kis kism ke musalman ho tum… kya sochey ga tumhara Allah jab tumhari aisi soch hai ? tumhe shayad bahut dukh aur takleef paunchi hogi is baat se ke tumhari behen muqar gayi apney vaadey se lekin tumhe koi haq nahi ke tum badley ki aag mein ussey hi takleef paunchao …. Agar tum ek sachey musalman ho toh jaan lo ke jo insan aisa karta hai, jo bura chahta hai kisi aur ke liye usse itni bura saza miley gi aakhirat mein, ke jiska tum andaza bhi nahi laga saktey….
Allah ta’ala ne hum musalmano ko samjhaya hai ke sabr karo har dukh aur pareshani takeleef main sirf or sirf Allah ta’ala ko yaad karo aur unse maangon… jab insan ko Allah se kuch nahi milta toh woh dusrey raaste apna ta hai takey uskey nafsi kaam aur maange puri ho… yeh dusra rasta hai JADU !!
aise kahin nakli maulanas/shaykhs/alims hain india/pakistan main jinke paas tumhare jaisi insan jaate hai, jo logon ke liye bura chahtey hain, ya kuch maangte hai bina jaane ke kya woh tareeqa halal bhi hai ya nahi…. hasad, buri nazr, jalan, badla yeh sab shaytan ko khush karwatein hai, aur Allah ta’ala ko bhi naraz kartey hain… itna toh tum bhi jante hoge mere bhai….
bahut saare maulanas jadu kartey hain, aur khuda na karein ke tum kisi aise maulana ke paas chale jao jo jadu karta hai….
tumhe shayad iss baat ka ilm na ho ke jadu karne ko jahannum ke ilawa aur koi rasta nahi miley ga aakhirat main… aur jo jadu karwana chahta hai ussey bhi wohi saza milegi toh phir soch lo ke tum kya chahte ho… mujhe umeed hai ke tumne abhi tak aisi koi harkat nahi ki hogi, ke tum kisi maulana/amil ke paas gaye ho apni behen se badla lene ke liye… yeh sach hai ke woh alim zarur tumhari behen ko dukh aur takleef pauncha sakta hai apne jadu ke saaath… yeh na smajna ke woh jadu halal hai, nahi yeh SHIRK hai !! Allah ta’ala ke siwa aur kisi ke paas nahi jaa saktey kuch mangne ke liye… haan kisi aur se keh saktey hain ke dua karo mere liye ke Allah acha karein… lekin sirf itna hi, iss se zyada nahi !!
agar tum kuch aur chahtey ho jaise ke apni behen ko dukh wagera toh woh alim tumse bahut kuch puchey ga aur tumse bahut kaam karwaye ga…. jaise ke kisi cheez ki qurbani do, yeh sab paro, gandi gandi jagaun par ja ke ye karo… maa ka naam bhi puchey ga, yeh sab jadugars kartey hain…. Yeh sab islam ke khilaf hai aur agar tumne aisa kuch ka r bhi liya toh maafi mangana shuru karlo kyunke Allah ta’ala ka sakht azaab aayega uss insan par jo kisi jadugar se kuch mangta hai….
yeh dhongi alims/ sirf jadu se kisi insaan ko takleef de saktey hain aur tumhari maange puri kar saktey hain… jadu se yehi maulana’s jinns aur shayateen se rapta rakhtey hain aur unse apne kaam karwatey hai, unse madat lete hain.. tumhe yeh sab nahi pata hoga par yehi sach hai aur issi baat se hamarey pyari nabi muhammad, sallalhu alaihi wa salam aur sahaba e karam ne sakht mana kiya hai…
wohi jinns aur shayateen tumhari behen aur uski family par bheje jayen ge lekin iss kaam ke badley main woh ussi alim/jadugar se kuch maange ge… woh jadugar tumse kuch karne ko maange ga taake uskey shaytaan jo uski madat kartey hain, khush ho jayen…. aisa bahut hota hai india/pak main, hasad ki aag main, badley ki aag main log apney burey kaam karwatey hain jiss se Allah ta’ala kabhi bhi nahi khush hongey… shirk or jadugars ki maafi nahi… woh toh aakhirat main hi pata chaley ga…
mere bhai har kaam karney se pehle Allah ta’ala ka zarur soch lena, ke kya woh tumharey kaam, tumhari baatein, tumharey khayalat se raazi hain ?? agar phir bhi tum apni nafsi khwahishat puri karna chahtey ho, toh tum shaytan ke bahut kareeb ho aur Allah ta’ala se bahut door… agar tumhari dua Alah nahi sun ta toh tumhe khud sochna chahiye ke kya tum apni zindagi main woh sab kar rahey ho jo Allah ta’ala aur rasul ne kaha ? paanch waqt ki namaz, roz ke adhkar, subha shaam, qurbani dena, zakat dena, logon ke saath acha pesh aana chahey duniya buri ho tumharey saath par tum phir bhi sabr se Allah ko khush karne ki sochna… yeh saab agar karo ge toh Allah ta’ala tumhari suneinge…
Main bhi tumhara ek bhai hun aur nahi chahta ke tum is aag main jal jao jaisi pehle bahut se jaltey aayen hai… agar tumhari behen ne aisa kiya hai toh usse Allah ta’ala puchenge akhirat main, tum apne aap nahi kisi aur se uska bura chah saktey… saza sirf Allah ta’ala denge…. tum jo kar rahe ho woh Allah ta’ala se nahi, sirf jinno se kaam karwa rahe ho…
bas ainda kisi bhi aadmi ka bura na chahna meri yehi guzarish hai mere bhai, Allah ta’ala se daro, apna deen seekho aur maafiya maangon apne gunaho ki… hum sab gunehghar hain mere bhai….
as salamu alaikum wa rahmatullah wa barakatu !